Максим Ульчев мәктәп китапханаһына бүләккә китаптар алған

Матбуғат һәм киң мәғлүмәт агентлығы  саралары етәксеһе Максим Ульчев Башҡортостан "Китап" нәшриәте менән Мәғариф министрлығының китапханаларға бүләк акцияһына ҡушылған.

"Шунда уҡ үҙемдең 35-се мәктәпте иҫкә төшөрҙөм. Ҡасандыр унда уҡый башлағайным, әле улым уҡый. Уның китапханаһы өсөн мин Рәми Ғариповтың шиғырҙары һәм хаттарын, Мостай Кәримдең "Ярлыҡау" повесын, Сергей Аксаковтың "Детские годы Багрова-внука" һәм, әлбиттә, Александр Пушкиндың әкиәттәрен алдым. Улар үҫмер уҡыусыларҙың һәйбәт ҡулдарына эләгер, тип ышанам", – тигән Максим Владимирович.

Иҫегеҙгә төшөрәбеҙ, акция Китап бүләк итеү көнөнә арнала. Был көн 14 февралдә 40-тан ашыу илдә билдәләнә.

Теләгән бер кеше 20 февралгә тиклем яратҡан мәктәбенә яңы һатып алынған китаптар бүләк итә ала.

Фотолар: Динар Кәлимуллин / Матбуғат һәм киң мәғлүмәт саралары агентлығының матбуғат хеҙмәте.

Мәғлүмәт сығанағы:  Матбуғат һәм киң мәғлүмәт саралары агентлығының матбуғат хеҙмәте.