Белорет балалары бәләгә тарыған терпе тураһында йәнһүрәт төшөрә

Белорет ҡалаһында "Зәңгәр ҡош" китап уҡыу балалар үҙәгендә 21-се мәктәптең 4-се "А" синыфы уҡыусылары йәнһүрәт төшөрөргә булған. Был йәнүрәт Роспотребнадзорҙың "Экология – һәр кемдең эше" балалар һәм үҫмерҙәр халыҡ-ара премияһы өсөн ярышта ҡатнашасаҡ.

Балалар сүп-сар баҫҡан яланда терпеләрҙең машина майы күләүегенә элгеүе тураһында тарих яҙған. "Аниматорҙар" тырышып-тырышып пластилиндан геройҙарҙы әүәләгән, декорациялар эшләгән. Иң ҡатмарлыһы "майлы" күләүекте яһау булған. Күләүек өсөн ҡурғаш ҡағыҙы менән ҡараһыу пластилин ҡулланғандар.

Балаларҙың эше күп әле: кадрлап анимация төшөрәһе, музыка һайлайһы, йәнһүрәтте ҡораһы бар.

"Бөтәһе лә тирә-яҡ мөхит дәресендә урмандарҙы сүп баҫыуы проблемаһын тикшергән саҡта башланды. Кешенең моңһоҙлоғонан йонсоған йәнлектәр беҙгә бик йәл булды. Шулай итеп, идея тыуҙы: йөрәктәргә барып етерлек, тиҫтерҙәребеҙҙе генә түгел, өлкәндәрҙе лә уйландырырлыҡ йәнһүрәт эшләргә", – ти уҡыусы Вера Хлебникова.

Культурный мир Башкортостана тг-каналынан.