Ҙур һәм татыу ғаилә йылының логотибын раҫланылар

2026 йылды беҙҙең республикала Ҙур һәм татыу ғаилә йылы тип иғлан итеү мәңгелек ҡиммәттәрҙең ҡәҙерен һәм баһаһын белергә өндәй.

Иғлан ителгән йылдың брендбугы күп быуынлы ҙур ғаиләне  сағылдыра. Унда өләсәй-олатай ҙа, атай-әсәй ҙә, балалар ҙа урын алған.

БР ғаилә, хеҙмәт һәм халыҡты социаль яҡлау министры Олга Кабанова әйтеүенсә,  логотип "беҙҙең күп милләтле Башҡортостандың традицион ғаилә ҡиммәттәрен һүрәтләп кенә ҡалмай, хис-тойғолар аша ла кәүҙәләндерә".

Төрлө форматтағы логотипты Ғаилә министрлығының рәсми сайтынан йөкләп алырға була.

Башинформ таҫмаһынан.