Аҡъярҙа йәш ҡурайсылар ярышҡан

Хәйбулла районы Аҡъяр ауылында Сәйфулла Дилмөхәмәтов исемендәге "Илемде данлай ҡурай" зона конкурсы үткән. Быйыл унда Бөрйән, Хәйбулла, Ейәнсура, Йылайыр райондарынан, Баймаҡ, Сибай ҡалаларынан йәш музыканттар ҡатнашҡан.

Ярышҡа 70-ләп ҡурайсыны үҙ эсенә алған 7 ансамбль һәм яңғыҙ башҡарыусы 31 музыкант килгән.

Ҡатнашыусылар ике төркөмдә –

- 12 йәшкә тиклем,

- 12–16 йәшлектәр

төркөмдәрендә – оҫталыҡ һынашҡан.

Гран-приҙы Ғайса Юланов отҡан!

"Иң йәш башҡарыусы" номинацияһы еңеүсеһе Исмаил Рәхимҡолов та тамашасыларҙы ҡыуандырған.

Фото: Аҡъяр ауылының Мәҙәниәт йорто матбуғат хеҙмәте / ВКонтакте.

Башинфрм таҫмаһынан.