Башҡортостанда 2030 йылға тиклем патриотик тәрбиә программаһы раҫланған

Башҡортостанда 2030 йылға тиклем патриотик тәрбиә программаһы раҫланған.

Башҡортостанда 2026–2030 йылдарға патриотик тәрбиә һәм йәштәрҙе призывҡа әҙерләү буйынса программа раҫланған.

Программа өс этаптан тора:

- 2026 йыл – норматив-хоҡуҡи базаны эшләү,

- 2027–2029 – шарттар тыуҙырыу менән бергә тәрбиәүи эште алып барыу,

- 2030 – йәш быуынды тәрбиәләү программаһының йоғонтололоғон тикшереү.

Программаны ғәмәлгә ашырыу өсөн 2 миллиард һум аҡсаны федераль бюджет бүләсәк.

Программаға ярашлы, республикала түбәндәге бурыстарҙы атҡарыу ҡарала:

- спорт менән шөғөлләнеүгә шарттар тыуҙырыу,

- үҫмерҙәр һәм йәштәрҙең һәләттәрен, таланттарын асыҡлау һәм үҫтереү,

- уларҙы ирекмәнлеккә йәлеп итеү,

- эске һәм тышҡы хәүефтәргә ҡаршы торорға өйрәтеү,

- хәрби хеҙмәттең абруйын күтәреү,

- традицион халыҡ ҡиммәттәрен яҡлау һәм пропагандалау.

Сығанаҡ: Башинформ.