Бында осраҡлы кешеләр инмәй

2025 йылдың октябренән башлап "Сферум" сервисы "Макс" платформаһында эшләй.

Белеүебеҙсә, "Сферум" – уҡытыусыларға, уҡыусыларға һәм ата-әсәләргә тәғәйенләнгән  уҡыу онлайн-платформаһы. Үҙеңдең мәктәбеңә электрон көндәлек йә администрацияға бирелгән ғариза аша ҡушылып була, йәғни мәктәп чаттарында торған, контакттарҙа булған кешеләр генә индерелә. Йәғни осраҡлы кешеләр үткәрелмәй. Ябыҡ мөхиттә реклама, спам-фәлән дә юҡ.

"VK Мессенджер" ҡушымтаһында ла "Сферум" эшләп ҡалған, әммә унда хәҙер яңы чаттар асыу мөмкинлеге юҡ. Иҫкеләренең дә күбеһе уҡыу өсөн генә һаҡланып ҡалған. Бөтәһе лә – "Макс"та.