Хәҙер Суровка балалары “Олимп”ҡа бара ала

Өфө районының Суровка ауылы менән “Олимп” белем биреү үҙәге араһында хәҙер мәктәп автобусы йөрөй. Суровкала автобус туҡталышын  Данлы урамына ҡуйғандар.

Балаларҙы “Олимп”ҡа йөрөтөү өсөн автобус кәрәклеге тураһында ошо ауылдан бер ҡатын Башҡортостан Башлығы Радий Хәбиров менән тура бәйләнеш ваҡытында белдерә.

Әҙерлек эштәрен тамамлағандан һуң 17 мартта рейс маршрутҡа сыҡты.

“Олимп” белем биреү үҙәге Михайловка ауылында “Демография” милли проекты сиктәрендә төҙөлгәйне.

Башинформ таҫмаһынан.