Ишембай китапханаһына VR-комплекс алғандар

Ишембай ҡалаһында “Ғаилә” милли проектына ярашлы балалар мәҙәни-ағартыу үҙәге асырға йыйыналар.

Әле унда йыһаздар килтерәләр. Китапханаға күптән түгел химия буйынса VR-комплекс алғандар. Был ҡорамал интерактив дәрестәр, тәжрибәләр, тикшеренеүҙәр үткәреү өсөн шәп буласаҡ.

“Заманса VR-комплекс үҫеп килеүсе быуында ҡыҙыҡһыныуҙарҙы киңәйтеү, белемдәргә ынтылышты арттырыу һәм танып белеү барышын әүҙемләштереү өсөн көслө дәртләндергес сара буласаҡ”, – ти Үҙәкләштерелгән китапхана селтәренең директоры Айгөл Ҡаҙырғолова.

Сығанаҡ: Ишембай район хакимиәтенең мәҙәниәт бүлеге.