Башҡортостанда Космос аҙналығы бара

12 апрель – Космонавтика көнө. Быйыл донъялағы беренсе космонавт Юрий Гагариндың йыһанға осоуына 65 йыл тула. Шул уңайҙан Рәсәйҙә Космос аҙналығы иғлан ителде.

Космос аҙналығында Башҡортостанда ҡыҙыҡлы саралар була.

8 июлдә Өфөлә Стәрлетамаҡ рус драма театры йыһан темаһына  “То самое” тигән спектакль күрһәтә. Дмитрий Калининдың пьесаһы үткән быуаттың 60-80-се йылдарындағы космонавт булырға  хыялланған балалар тураһында һөйләй. Пьеса геройҙары, йыһан карабы яһап, Марсҡа осорға йыйына.

9 апрелдә Сибайҙың “Сулпан” концерт-театр берекмәһенең рәсми сәхифәһендә “Марсҡа тиклем бер билет” (режиссеры – Нәркәс Искәндәрова) тигән спектакле онлайн күрһәтелә. Ул 13 йәшлек малайҙың космосҡа осоп юғалған атаһын эҙләргә ҡарар итеүе тураһында һөйләй.

10 апрелдә Милли музейҙа “12 апрель – Бөтә донъя космонавтика көнө” фотокүргәҙмәһе асыла. Проект Дәүләкән районы Калиновка ауылындағы СССР-ҙың һынаусы космонавы Урал Солтанов исемендәге  Халыҡ-ара аэрокосмик мәктәп тураһында һөйләйәсәк. Был мәктәпкә 15 йыл.

Бөгөндән башлап 12 апрелгә тиклем Милли музейҙың кинозалында космосҡа арналҡан фәнни-популяр фильмдар күрһәтелә.

12 апрелдә Башҡорт дәүләт ҡурсаҡ театрының онлайн-программаһында “Девочка и пришелец” тигән спектакль буласаҡ.

Космос аҙналығы тотош илде солғай. 6 апрелдә уҡыусылар өсөн “Кадрҙа космос” тигән Бөтә Рәсәй ижади акция башланды. 9 апрелдә “Моя собака – космонавт” тигән фильм киң прокатҡа сыға.

Сығанаҡ: Башинформ.