Мәктәптә тәртипте өс кимәлле шкала менән баһалаясаҡтар

Мәктәптәрҙә балаларҙың тәртибен баһалауҙың нисек буласағына аңлатма биргәндәр.

Яңылыҡҡа тәүҙә киң ҡоласлы һынау үткәрәсәктәр. Ул 2026/27 уҡыу йылында Рәсәйҙең 89 төбәгенең һәр береһендә 10-ар мәктәптә барасаҡ. Артабанғы 2027/28 уҡыу йылында бөтә мәктәптәрҙә лә ҡулланыла башлай.

Әлеге көнгә Рәсәйҙең 7 төбәгендәге 89 мәктәптә тәүге һынауҙар үткән. Уларҙа башланғыс һәм урта синыфтарҙа уҡып йөрөгән 40 меңдән ашыу уҡыусы ҡатнашҡан. Уҡыусыларҙың, уҡытыусыларҙың һәм ата-әсәләрҙең күпселеге яңылыҡты ыңғай баһалаған.

РФ мәғариф министры урынбаҫары Ольга Колударова белдереүенсә, тәртипте баһалауҙың өс ысулы ҡаралған:

- ике кимәлле (“зачет”/”зачет түгел”),

- өс кимәлле (“өлгөлө”, “ҡәнәғәтләнерлек”, “ҡәнәғәтләнерлек түгел”),

- биш кимәлле шкала.

Эксперттар өс кимәлле шкалаға өҫтөнлөк биргән.

Тәртипте баһалауҙың төп күрһәткестәре:

- дисциплина,

- социаль аралашыусанлыҡ,

- ыңғай холоҡ сифаттары,

- уҡыуҙа әүҙемлек.

Сығанаҡ: Башинформ.