+13 °С
Облачно
Яңылыҡтар
14 Апреля , 14:03
Поезда проводник булырға теләгән йәштәрҙе көтәләр
17 апрелдә Рәсәй студент отрядтарында вагон проводнигы булып эшләргә хыялланған йәштәр “Торатау” конгресс-холына йыйыласаҡ. Уларҙы "Хәрәкәттә!" тигән сара көтә. Осһоҙ-ҡырыйһыҙ тимер юлдар буйлап поездарҙа елдерергә теләһәң, рәхим ит!
Поезда проводник булырға теләгән йәштәрҙе көтәләр
Рәсәй студент отрядтарының Башҡортостан төбәк бүлексәһе етәксеһе (командиры) Элина Саматова әйтеүенсә, майҙансыҡта проводник һөнәре тураһында белеү кимәлен тикшереү өсөн квиз үткәреләсәк, быға тиклем уҡып сыҡҡандарға профессия тураһында таныҡлыҡ биреләсәк, тәжрибәле проводниктар үҙҙәренең башынан үткәндәрҙе һөйләйәсәк, компания вәкилдәре карьера һәм мөмкинлектәр менән таныштырасаҡ.
Инеү ирекле, тик алдан теркәлергә кәрәк: clck.ru/3SvvMa.
Форум йәйге хеҙмәт семерстрына әҙерлек сараһы булып тора һәм йыл да үткәрелә. Уны Рәсәй студенттар отряды Башҡортостан бүлексәһе “РаботаЮ!” йәштәр клубы менән берлектә ойоштора.
Сығанаҡ: Молодежная газета.
