Башҡорт теленән диктантты офлайнда 200 меңдән ашыу кеше яҙған

“...Беҙ ҡатнашыусыларҙың юғары әүҙемлеген күҙәтәбеҙ: бөтә донъяла барлығы 2000-дән ашыу офлайн-майҙансыҡ асылған, уларҙа 200 000-дән ашыу кеше ҡатнашҡан. Онлайн-форматта эштәрҙе ҡабул итеү әүҙем бара – “МАКС” мессенджеры аша 100 000-дән ашыу эш ҡабул ителде лә инде. Быйыл ҡатнашыусыларҙың дөйөм һаны 400 меңдән ашып китеренә ышанабыҙ, акция географияһы менән дә, ҡатнашыусылар һаны менән дә киңәйеүен дауам итә”, – тине Башҡорт телен һаҡлау һәм үҫтереү фонды етәксеһе Гөлназ Йосопова.

Ул бындай акцияларҙың тел киләсәгенә туранан-тура йоғонто яһауын белдерҙе,сөнки ”ғаилә менән диктантта ҡатнашыу йолаға әйләнеп киткәс, тел тәбиғи рәүештә быуындан быуынға тапшырыла. Был башҡорт теленә йәнле ҡыҙыҡһыныу уята”, – ти Йосопова.

Диктантта ҡатнашыусылар һаны буйынса тулыһынса йомғаҡ яһалғас, аныҡ күрһәткестәрҙе белербеҙ. Был һандың ярты миллионға етеүе лә бик ихтимал.

ФОТО: Гөлназ Йосопованан | Башинформ

Башинформ мәғлүмәттәре файҙаланылды.