“Ҙур Балалар фестивале шаңдауы” Өфөлә яңғыраясаҡ!

27 майҙан 1 июнгә тиклем Өфөлә Ҙур Балалар фестиваленең (БДФ) махсус программаһы эшләйәсәк.  Проектты “Бәләкәй принц” музыкаль әкиәте аса. Төп ролдә – актер Сергей Безруков. Спектаклде “Башҡортостан” ДКЗ-нда ҡуялар.

Артабан тамашалар дауам итәсәк:

- Рәсәйҙең төрлө ҡалалары театрҙары – һигеҙ спектакль, Башҡортостан театрҙары алты постановка күрһәтәсәк;

- “БДф Кино” һәм “БДФ Анимация” йүнәлештәрендә фильмдар һәм йәнһүрәттәр түләүһеҙ ҡуйыласаҡ;

- “БДФ Китап” яҙыусылар һәм иллюстраторҙар менән осрашыуҙар үткәрәсәк;

- “БДФ Оҫтаханалар”ҙа вокал, сәхнә телмәре һәм дикция, актерлыҡ оҫталығы, ҡурсаҡ менән эшләү дәрестәре буласаҡ;

- “БДФ Белем биреү” йүнәлешендә мәҙәниәт учреждениелары хеҙмәткәрҙәре өсөн занятиелар ойошторола;

- “БДВ Мәктәп” уҡытыусыларҙы мәктәп спектаклдәре ҡуйырға өйрәтәсәк.

Бөтә тамашалар түләүһеҙ күрһәтелә, тик шарты бар: алдан теркәлеү үтергә кәрәк. Урындар алып ҡалырға ашығығыҙ.

*Ҙур Балалар фестивале “Ғаилә” милли проектының “Кесе Ватан мәҙәниәте” федераль проектына индерелгән. Башҡортостанда республика Хөкүмәте булышлығында үтә.

#ЭХОБДФ

#нацпроектСемья

#Фондкультурныхинициатив

#Грантдлякреативныхкоманд