Башҡортостанда II Бөтә Рәсәй балалар театры фестиваленең финалы үтәсәк

“Киләсәк ҡаҙанышы” II Бөтә Рәсәй милләт-ара театр сәнғәте балалар фестиваленең финалы Башҡортостанда Октябрьский ҡалаһында үтәсәк.

24–26 апрелдә сара Өфө, Севастополь, Донецк, Барнаул, Омск, Йошкар-Ола, Ырымбур, Түбәнге Новгород, Санкт-Петербург, Һамар, Вязьма, Ижевск һәм башҡа ҡалаларҙың ижади коллективтарын, театр студияларын һәм мәктәп театрҙарын йыясаҡ.

Ҡатнашыусылар тамашасыға Рәсәйҙең төрлө милләт яҙыусылары әҫәрҙәре, ауыҙ-тел ижады мотивтары буйынса ҡуйылған спектаклдәр күрһәтәсәк.

Фестиваль номинациялары:

- “Драматик спектакль”,

- “Музыкаль спектакль”,

- “Нәфис һүҙ”.

ФОТО: Олег Яровиков / Башинформ.

Сығанаҡ: Башинформ.