Ер көнөндә Еребеҙҙе һаҡларға өйрәндек

23 апрелдә беҙ  263-сө балалар баҡсаһының "Бал ҡорто" төркөмөндә Ер көнө тигән шәп байрамды билдәләнек!

Беҙҙең балалар планетабыҙҙы һаҡлауҙың мөһимлеге тураһында бик күп ҡыҙыҡлы нәмәләр белде. Улар экологик уйындарҙа, фекер алышыуҙарҙа ихлас ҡатнашты, һәр беребеҙҙең тәбиғәтте һаҡлап ҡалыуҙа нисек ярҙам итә алыуын белде.

Балалар өйҙә тәбиғәткә нисек ярҙам итеүҙәре – һыуҙы һәм электр энергияһын һаҡлау, ҡалдыҡтарҙы айырым йыйыу, ҡоштарҙы ҡарау тураһында фекерҙәре менән уртаҡлашты.

Бындай саралар балаларҙы тирә-яҡ мөхиткә ҡарата хәстәрлекле булырға, планетабыҙ киләсәге өсөн яуаплылыҡ тойорға өйрәтә, тип ышанабыҙ!

Руфина  ҒӘЛИЕВА, Ғәлиә ҒӘЛИУЛЛИНА,

Өфө ҡалаһы 263-сө балалар баҡсаһының 4-се “Бал ҡорто” өлкән төркөмө тәрбиәселәре.