Абҙан уҡыусылары күңелле стартҡа баҫты

Беҙҙең Архангел районы Абҙан мәктәбендә “Күңелле старттар” ярышы үтте.  1–4-се синыфтар өсөн Рәсәйҙә  барған “Хәүефһеҙлек аҙналығы” сиктәрендә ойошторолдо ул.

Бәләкәй спортсылар күңелле эстафеталарҙа ҡатнашты:  “Төтөнлө коридор”ҙа ҡаршылыҡтарҙы еңде,  “Водитель-профи” ярышында  юл йөрөү ҡағиҙәләрен нисек белеүен күрһәтте.

Ярыштар күрһәтеүенсә, беҙҙең уҡыусылар етеҙ, сос, юлда һәм өйҙә көтөлмәгән хәлдәргә тарығанда нимә эшләргә кәрәклеген дә яҡшы белә.  Дуҫлыҡ еңде! Иң мөһиме – һәр кем файҙалы белемдәр эстәне.

Сығанаҡ: Абҙан мәктәбе / ВК.