Башҡортостан уҡыусылары олимпиадаларҙа һынатманы

Апрель аҙағында астрономия менән инглиз теле буйынса ВсОШ  йомғаҡтары билдәле булды.

“Сириус”та астрономия буйынса ярыштылар. 54 төбәктән 300-ләп уҡыусы ҡатнашты. Башҡортостандан (Өфө, Сибай, Салауат, Стәрлетамаҡ, Мәләүез) – 16. Шуларҙың 7-һе призер булды:

КАМСКИЙ Андрей (Өфө, 83-сө инженерлыҡ лицейы, 9-сы синыф)

СЕРЕДА Богдан (Өфө, 161-се лицей, 9-сы синыф)

СПИРИН Роман (Мәләүез районы, 3-сө гимназия, 10-сы синыф)

СӘМИҒУЛЛИН Наил (Өфө, 153-сө лицей, 10-сы синыф)

ЗӘЙНӘКОВ Илдар (Салауат, 1-се лицей, 10-сы синыф)

АБДУЛЛИН Морат (Өфө, 83-сө инженерлыҡ лицейы, 10-сы синыф).

Күбеһенең остазы – ӨФһТУ доценты, техник фәндәр кандидаты Анна Федоровна Шишкина.

Мәскәү дәүләт лингвистика университетында үткән инглиз теле олимпиадаһына илдең 89 төбәгенән 372 бала килде. Беҙҙән 7 уҡыусы ҡатнашып, 1-һе еңеүсе, өсөһө призер булып ҡайтты.

Еңеүсе:

ЕДРЕНКИН Никита (Өфө, 153-сө лицей, 11-се синыф)

Призерҙар барыһы ла 11-се синыфтан:

КОНДРАТЬЕВ Егор (Стәрлетамаҡ, 29-сы мәктәп)

УРАЗБАХТИН Марк (Өфө, 39-сы гимназия)

ХАЛИКОВА София (Бәләбәй, 1-се гимназия).

Остаздары – Башҡортостандың инглиз теле буйынса  баш тренеры, РИЛИ уҡытыусыһы Александра Викторона Гаржанова.

**

Башҡортостандан бер уҡыусы, ВсОШ-тың астрономия һәм физика буйынса йомғаҡлау этаптарында ҡатнашып, икеһендә лә призер булды. Ул –

СПИРИН Роман, Мәләүездең 3-сө гимназияһының 10-сы синыф уҡыусыһы.

Фото: БР Мәғариф министрлығы / матбуғат хеҙмәте.

Сығанаҡ: Башинформ.