

Башҡортостанда ата-әсәләр 1-се синыфҡа уҡырға төшәһе балаларын мәктәптәргә яҙҙыра. Бер ай ғына үтеп барыуына ҡарамаҫтан 25 меңдән ашыу онлайн ғариза тапшырылған да инде.
Баланы 1-се синыфҡа Дәүләт хеҙмәттәре порталындағы махсус сервиста яҙҙырып була. Унда ата-әсә мәктәпте, үҙе кәрәк тапҡан профилле синыфты һайлай. Мәктәп сервистары менән таныша, һорауҙарға яуаптар таба.
Беренсе синыфҡа ҡабул итеү кампанияһының тәүге тулҡыны 30 июндә тамамлана.
Фото: Валерий Шахов / Башинформ фотоархивы.