"Урал батыр" рухландыра

Ишембай ябыҡ типтағы махсус уҡытыу-тәрбиә учреждениеһы тәрбиәләнеүселәре, “Урал батыр” эпосы һәм “Әй Йола” төркөмөнөң “Һомай” йыры менән рухланып, башҡорт кейемдәре тупланмаһын ижад иткән.

Ҡыҙҙар тәүҙә эпосты өйрәнгән, шунан эскиздар төшөргән һәм күлдәктәр теккән.

Тупланманы халыҡ-ара кимәлдә күрһәтергә хыялланалар. Ноябрь айында Санкт-Петербургта үтәсәк Халыҡ-ара мода аҙналығына ғариза ебәргәндәр. Унда оҡшатһалар, мотлаҡ ҡатнашасаҡтары тураһында хәбәр итә учреждение етәксеһе Гүзәл Шаһиева.

Фото: Ләйсән Закирова / Башинформ.

Сығанаҡ: Башинформ.