+19 °С
Ясно
Яңылыҡтар
22 Мая , 06:40
Мәктәп музейҙары конкурсында Башҡортостандан 62 мәктәп ҡатнаша
“Белем” йәмғиәтенең Бөтә Рәсәй мәктәп музейҙары конкурсына Башҡортостандан 62 ғариза бирелгән. Бөтә илдән алынған ғаризалар һаны – 4696. Проект Рәсәй Президенты ҡушыуы буйынса РФ Мәғариф министрлығы булышлығында тормошҡа ашырыла.
Мәктәп музейҙары конкурсында Башҡортостандан 62 мәктәп ҡатнаша
Башҡортостандан килгән ғаризаларҙың күбеһе “Ватан һаҡсылары тураһында хәтер” һәм “Тарихи экспозиция” номинацияларына ҡарай.
Мәҫәлән, Өфөнөң 87-се мәктәбе “Космос һәм тормош” тигән музей ойошторған. Унда космонавтарҙың автографтары, Айҙың глобусы бар.
Туймазының 4-се мәктәбе метеорит киҫәге һәм Жак-Ив-Кустоның хаты ингән экспозиция туплаған.
Дәүләкәндәге 3-сө башҡорт гимназия-интернаты хәрби авиация училищеһы тураһында архив фотолары һәм документтары менән “ВАУР-овсы” музейын ойошторған.
Конкурстың финалы һәм еңеүселәрҙе билдәләү тантанаһы октябрҙә “Хәтер тере” форумында үтәсәк. Уны Йәш армия һәм Беренселәр Хәрәкәте ойоштора.
Фото: Туймазының 4-се мәктәбе / соцселтәрҙәр.
Сығанаҡ: Башинформ.