Борай уҡыусылары өсөн баҫыуҙа мөһим эштәр бар

Борай районында аграр синыф уҡыусылары баҫыу эштәрендә ҡатнаша. Улар тәжрибә участкаларына сәселгән культураларға фитосанитар мониторинг үткәреүҙә һәм үҫентеләрҙең хәл-торошон теркәп барыуҙа белгестәргә ярҙамлаша.

Районда иген, ҡуҙаҡлы культуралар һәм күп йыллыҡ мал аҙығы үләндәре сорттарын һынау өсөн тәжрибә майҙандары киңәтелә. Быйыл 9-сы төбәк өсөн районлаштырылған культуралар эргәһенә районлаштырылмаған сорттарҙы ла сәскәндәр.

Проект “Россельхозцентр” филиалы агрономдары булышлығы менән район ауыл хужалығы идаралығы тарафынан тормошҡа ашырыла. Һынауға 50-нән ашыу сорт алынған.

Ауыл хужалығы культуралары сорттарына һынауҙар үткәреү селекция тармағын үҫтереү, шулай уҡ илдең аҙыҡ-түлек хәүефһеҙлеген тәьмин итеү, аграр тармаҡты үҫтереү өсөн мөһим.

Фото: Борай район хакимиәте сайты.

Башинформ таҫмаһынан.