Гүзәл Ситдиҡова менән Александр Шуралёвҡа Мәскәүҙә әҙәби премия тапшырылды

Мәскәүҙә Яҙыусыларҙың Үҙәк йортонда А.Б. Чаковский исемендәге "Гипертекст" Бөтә Рәсәй әҙәби премияһының дүртенсе миҙгеле лауреаттарын бүләкләү тантанаһы үтте.

Конкурсҡа Рәсәйҙең төрлө ҡала-төбәктәре һәм сит ил яҙыусыларынан 3 меңдән ашыу ғариза бирелгән.

"Рус телендәге тәржемә" категорияһында жюри Мифтахетдин Аҡмулла исемендәге БДПУ профессоры Александр Шуралёвты рус теленә тәржемә ителгән "Тәбиғәт мәрхәмәтле" тигән шиғри йыйынтыҡ өсөн бүләкләне.

Мәскәүҙә «Никитские ворота» нәшриәтендә донъя күргән был китаптың авторы –  Башҡортостандың халыҡ шағиры Гүзәл Ситдиҡова. Уларҙың икеһенә лә лауреатлыҡ дипломдары тапшырылды.

Фото: Башинформ.