Башҡортостан уҡыусылары KAIPhO халыҡ-ара олимпиадаһында миҙалдар яуланы

А.Н. Туполев исемендәге  Ҡазан милли тикшеренеү техник университетында өлкән синыфтар уҡыусылары өсөн үткәрелгән KAIPhO  халыҡ-ара олимпиадаһынан Башҡортостан уҡыусылары  миҙалдар алып ҡайтҡан.

Интеллектуаль бәйгелә 17 ил вәкилдәре ҡатнашты, тип һөйләй Башҡортостан мәғариф министры Илдар Мәүлетбирҙин.

Халыҡ-ара олимпиадалағы мәсьәләләр кимәле мәктәп программаһынан байтаҡҡа  ашып киткән. Кесе лигала сығыш яһаған 9-сы синыфтарға Рәсәйҙең 10-сы синыф стандарттарына тап килгән мәсьәләләр ҙә бирелгән.

Беҙҙең уҡыусыларҙың ярыш һөҙөмтәләре:

өлкән лигала

ШТРО Марк, 83-сө инженерлыҡ лицейының 10-сы синыфы – алтын миҙал

ЕДРЕНКИН Никита , 153-сө лицей 11-се синыф – көмөш миҙал

САМСОНОВ Роман, 83-сө инженерлыҡ лицейының 11-се  синыфы – көмөш миҙал

АҘНАБАЕВ Урал, 93-сө физика-математика лицейының 11-се синыфы – көмөш миҙал

РЫБАКОВ Кирилл, 93-сө физика-математика лицейының 10-сы синыфы – бронза миҙал

ҒИЛМАНОВ Тимур, 93-сө физика-математика лицейының 10-сы синыфы – бронза миҙал

ГОРДИЕНКО Максим, 123-сө лицей 10-сы синыф – бронза миҙал

Бөтәһе лә Өфө уҡыусылары;

кесе лигала

КАМСКИЙ Андрей, Өфөнөң 83-сө инженерлыҡ лицейы 9-сы синыф  – көмөш миҙал

ИҪӘНБАЕВ Владислав, Сибай 9-сы лицейының 9-сы синыфы – бронза миҙал

ЗАҺИРОВА Әмирә , Өфөнөң 153-сө лицейы 9-сы синыф – бронза миҙал.

Кесе лигала ҡатнашып, мәктәп программаһында әле  үтмәгән мәсьәләләрҙе уңышлы сискән уҡыусыларҙы министр  айырым бер һоҡланыу менән билдәләй. Ул һәр ҡатнашыусыға, уларҙың ата-әсәләренә, уҡытыусыларына, шулай уҡ йыйылма команда тренеры Анна Шишкинаға уңыштар теләй һәм рәхмәт белдерә.

Фото: Илдар Мәүлетбирҙиндың МАКС-тағы рәсми  каналынан.

Сығанаҡ: Башинформ.