Күргәҙмәлә – бар донъяны берләштергән башҡорт күкрәксәһе

Башҡортостан Милли музейында бөтә донъяны берләштергән биҙәүесте күрһәтәләр. Һүҙ — төрлө илдәрҙең тәңкәләре тегеп биҙәлгән башҡорт күкрәксәһе тураһында.

Уның тәңкәләрен Өфөгә 2021 йылда VI Бөтә донъя  Фольклориадаһында ҡатнашыусылар алып килгәйне. Күкрәксә – ябай экспонат ҡына түгел, ә халыҡтарҙың берҙәмлеге символы ла ул.

Башҡорт күкрәксәһе  — «CIOFF® VI Бөтә донъя Фольклориадаһы мираҫы» күргәҙмәһенең бер өлөшө генә. Бай күргәҙмә  24 июндә, III Бөтә Рәсәй Балалар  фольклориадаһы башланған көндә, асыла.

Традициялар тере, һәм улар быуындан-быуынға тапшырыла.

Ҡунаҡтар тағы нимәләр күрәсәк?

Ҡатнашыусы илдәрҙән иҫтәлекле бүләктәр һәм сувенирҙар

Ойоштороусыларҙың экипировка элементтары

«Фольклор олимпиадаһы»ның сағыу мәлдәрен эләктереп алған  фотоһүрәттәр

2021 йылда ҡуйылған донъя рекордтарының сертификаттары: дуҫлыҡ әйлән-бәйләне 57 илдән 71 милләт вәкилен йыйғайны.

Күргәҙмә БР Милли музейында 24 июндән 6 сентябргә тиклем эшләй.

 Башҡортостандың йөрәгендә бар донъяны туплаған мираҫты күреп ҡалығыҙ!

Фото:  БР Милли музейы / матбуғат хеҙмәте.