Сибай Балалар сәнғәт мәктәбендә яңы баян моңдары яңғыраны

Сибай Балалар сәнғәт мәктәбе асылыуға  быйыл 35 йыл тулды. Юбилей уңайынан мәктәпкә яңы музыка ҡоралдары алынды.

Сәнғәт мәктәбендә хәҙер яңы баян, ксилофон, флейта бар, интерактив таҡта ла өр-яңы. Былар һәммәһе “Ғаилә” милли проекты сиктәрендә алынды.

Музыка ҡоралдарын тантаналы ваҡиғаға бағышланған кисәлә ҡулландылар ҙа инде.

“Яңы ҡорамалдар алыу мәктәбебеҙ өсөн мөһим ваҡиға булды. Заманса инструменттар һәм техник саралар уҡытыуҙы ҡыҙыҡлыраҡ һәм һөҙөмтәлерәк итә, шулай уҡ тәрбиәләнеүселәребеҙҙең таланттарын үҫтереү өсөн яңы мөмкинлектәр аса”, – ти Балалар сәнғәт мәктәбе директоры Гүзәл Баянова.

Сығанаҡ: Сибай ҡала хакимиәте.