Дуҫлыҡ һәм берҙәмлек гимны яңғыраясаҡ

III Бөтә Рәсәй Балалар фольклориадаһын асыу тантанаһында тәүге тапҡыр дуҫлыҡ һәм берҙәмлек гимны яңғыраясаҡ.  Өфөлә үтәсәк мәҙәниәт һәм традициялар байрамының тарихы нәҡ  шунан башланасаҡ.

Гимнды 200-ҙән ашыу бала башҡара — халыҡ-ара конкурстар һәм фестивалдәрҙең йәш лауреаты Екатерина Тойгильдина, «Ассоль» өлгөлө вокаль-хореографик студияһы,  «Чудетство» балалар эстрада йыры театры һәм Фольклориадала ҡатнашыусылар. Музыканы  Ришат Сәғитов, һүҙҙәрен Ольга Мусина яҙған.

Шунан сәхнә йәнле һүрәткә әүерелгәндәй буласаҡ:  Башҡортостандың төп ансамблдәре күп милләтле илебеҙҙең бар байлығын һәм матурлығын кәүҙәләндерәсәк. Ҡеүәтле вокаль-хореографик постановкала 700 артист ҡатнашасаҡ.  

Өфөнөң Совет майҙанында осрашҡанға тиклем, дуҫтар! 24 июндә 18 сәғәттә башлайбыҙ.

Фото: «Культурный мир Башкортостана»

Текст: III Бөтә Рәсәй Балалар фольклориадаһының матубғат хеҙмәте.

#ВсероссийскаяДетскаяФольклориада2026 #ДетскаяФольклориадаБашкортостан #КультурноеНаследие #Этнокультура