Өфөнән малайҙар хоры Фалик исемендәге халыҡ-ара конкурста төп награданы алған

Беҙҙекеләрҙе хор коллективтарының һәм вокаль ансамблдәрҙең Юрий Фалик исемендәге  XXII Халыҡ-ара конкурсында беренсе дәрәжә лауреат иткәндәр.

Унан тыш, хор составындағы “Радас” ансамбле “Вокаль ансамбль” номинацияһында шулай уҡ беренсе дәрәжә лауреат булған. Хор “Петербург композиторы әҫәрен иң яҡшы башҡарған өсөн” махсус дипломы менән дә наградланған. Концертмейстер Камила Зеленина “Иң яҡшы концертмейстер” тип табылған.

Башҡорт дәүләт опера һәм балет академия театрында малайҙар һәм үҫмерҙәр хоры 2023 йылда ойошторолған. Уға Клим Калитов етәкселек итә.

Совет һәм Рәсәй композиторы Юрий Фалик исемендәге конкурс йыл һайын “Поющий мир” Халыҡ-ара хор сәнғәте фестивале сиктәрендә үтә.

Санкт-Петербургтағы форум Рәсәйҙең төрлө төбәктәренән һәм сит илдәрҙән хор коллективтарын йыйған.

Фото: Клим Калитов / Башҡорт дәүләт опера һәм балет театрының матбуғат хеҙмәте / Башинформ (хор фотоһы)

Фото: Клим Калитов / Башҡорт дәүләт филармонияһының матбуғат хеҙмәте (наградалар).