Йырсы Алһыу – Уяндыҡта

Билдәле Рәсәй йырсыһы Алһыу Илеш районы Уяндыҡ ауылына килгән. Тәьҫораттары менән ВКонтакте селтәрендәге сәхифәһендә уртаҡлашҡан.

«Бер нисә көндө мин  үҙемдең көс йыйыу урынымда – Башҡортостанда, Уяндыҡ ауылында, туғандарым һәм яҡындарым менән бергә үткәрҙем.  Ошонда минең бала сағым үтте, бында атайым тыуған, ошонда минең тамырҙарым.  Ошонда тартылғанымды йылдан йыл  нығыраҡ аңлай барам. Бында мин ысынлап рухи ял алам, энергия, яҡтылыҡ, тормошҡа һөйөү һәм рәхмәт хисе менән тулам”, – тип яҙған йырсы Алһыу социаль селтәрҙә.

Фото: Алһыу / ВК социаль селтәре / Башинформ.