Дәүләкән мәктәп кабинеттарына яңы йыһаздар алынған

Дәүләкән районының 13  мәктәбенә физика, рәсем сәнғәте, музыка кабинеттары өсөн яңы йыһаздар алғандар.

Рәсем кабинеттарына гипстан яһалған кеше башы моделдәре, геометрик есемдәр, натюрморт төшөрөү өсөн күләмле формалар алынған.

Музыка дәрестәрендә заманса музыка үҙәктәре, күсермәле колонкалар һәм сағыу күрһәтмә материалдар ҡулланыласаҡ.

Ә физика дәрестәрендә механик һәм тулҡын күренештәрен, электр ҡырҙарын өйрәнеү өсөн материалдар, микроскоптар, шулай  уҡ лаборатор һәм практик эштәр өсөн төрлө йыһаздар файҙалы буласаҡ.

Быларҙың бөтәһе лә “Йәштәр һәм балалар” милли проектының “Бөтә яҡшы нәмә балаларға” федераль проекты сиктәрендә алынған.

“Яңы йыһаздар уҡыусыларға теорияны өйрәнергә генә түгел, тәжрибәләр, эксперименттар үткәрергә, тикшеренеү һәләттәрен, ижади фекерләүҙе һәм предметтарға ҡыҙыҡһыныуҙы үҫтерергә ярҙам итәсәк”. – Наталья Кузовова,  Дәүләкән районы мәғариф бүлеге начальнигы.

Сығанаҡ: Дәүләкән район хакимиәте.