Иҫке Собханғолда яңы спорт майҙансығы асылған

Бөрйән районы Иҫке Собханғол ауылында “Рәсәй спорты” дәүләт программаһы сиктәрендә ГТО нормаларын тапшырыуғә әҙерләнеү өсөн спорт майҙансығы асылған.

Объектты асыу программаһында футбол ярышы, спорт-уйын конкурстары булған.

“ГТО майҙансығын төҙөү – район спорт инфраструктураһын үҫтереүҙә һәм сәләмәт тормошто пропагандалауҙа  тағы бер мөһим аҙым. Бөрйән районында ошондай тәүге спорт объекты түгел был. 2021 йылда милли проект сиктәрендә Иҫке Собханғол ауылының һул яр яғында  ГТО майҙансығы асылды”. – Бөрйән район хакимиәте башлығы Рәмил Абдуллин.

Сығанаҡ: Бөрйән район хакимиәте.