УҠЫТЫУСЫМА. Шиғыр

Уҡытыусы исемен
Йөрөтөүе үҙе ғорурлыҡ.
Яғымлы ла наҙлы ҡараштары
Алтын-гәүһәрҙәргә торорлоҡ.

Көс-ҡеүәтте, сабырлыҡты,
Түҙемлекте ҡайҙан алаһың?
Фән тауына тырыша-тырыша
Беҙҙе алып бараһың.

Белем баҫҡыстары бейек,
Күтәреләбеҙ бергә.
Уҡытыусым алға әйҙәй,
Тырышығыҙ, ти беҙгә.

Баҫҡыстарҙы һанай-һанай,
Күтәреләбеҙ өҫкә.
Эй бәхетле мәктәп йылым
Күтәрә зәңгәр күккә.

Уҡытыусы тигән бөйөк исем
Йөрәгемдә ҙур урын алған.
Аҡ хыялдар,  яҡты уйҙарҙы
Күңелемдең түренә һалған.

ҒИЛМАНОВА Рушана,

Тимер Йосопов исемендәге республика лицей-интернатының

9-сы "Б" синыфы уҡыусыһы.

Автор фотоһы.