“Ай Йола”ның яңы йыры BandLink чартында төп-5 иҫәбендә

“Ай Йола” төркөмөнөң “Адель” тигән яңы йыры BandLink онлайн-сервисының чартында 5-се урынды алған. “Аманат” йыры ла чартҡа эләккән, ул ай чартының 47-се юлын биләй.

“Адель” – төркөмдөң рус телендәге беренсе йыры. Композиция Пушкин шиғырына, Беренсе каналдың “Голос поэта” проекты өсөн ижад ителгән.

Төркөмдөң ике ағзаһы яҙмышында Александр Сергеевич Пушкин менән бәйлелек бар икән.

- Адель менән Руслан Шәйхетдиновтарҙың ата-әсәһенең исеме – Руслан менән Людмила, Пушкиндың билдәле поэмаһындағы кеүек.

- Уларҙың туйы рус классигының тыуыуына 200 йыл билдәләнгән көндө үткән.

- “Ай Йола”ның буласаҡ йырсыһына исемде Пушкиндың “Аделгә” тигән шиғыры хөрмәтенә ҡушҡандар.

- Сирек быуаттан һуң ошо шиғыр “Адель” йырының нигеҙенә әйләнә.

Фото: Валерий Шахов / Башинформ.