Талбазы гимназияһы уҡыусылары Ашнаҡсы көнөн үткәрҙе

Бөгөн, 20 октябрь,  донъя ашнаҡсылары байрам итә. Рәсәйҙә Аҙыҡ-түлек сәнәғәте хеҙмәткәрҙәре көнө тигән байрам да бар, ул октябрҙең өсөнсө ялына тура килә. Уныһы быйыл 18 октябрҙә билдәләнде.

Бөгөн, Халыҡ-ара ашнаҡсы көнөндә, Ауырғазы районы Талбазы башҡорт гимназияһы уҡыусылары мәктәп ашханаһы хеҙмәткәрҙәре өсөн тотош бер тантана ойошторған. Улар шиғырҙар һөйләгән, матур теләктәрен әйткән, үҙ ҡулдары менән эшләгән асылмаларҙы бүләк иткән. Ашнаҡсы апайҙарының күңеле булған.

Был хаҡта  4-се синыф етәксеһе Айгөл  САТЛЫҠОВА яҙҙы.