Дроппингҡа ҡушылмағыҙ, балалар!

Иртәгә, 22 октябрҙә, Башҡортостан мәктәптәрендә Берҙәм хәүефһеҙлек көнө үтә. Был көндө “Һаҡ булығыҙ, дроппинг!” темаһына арналған синыф сәғәттәре, лекциялар һәм уйындар ойошторола.

Дроппинг – ул кемдәргәлер әҙ-мәҙ ярҙам итеп ебәреү түгел, ә  енәйәт яуаплылығына тарттырыла торған ғәмәл. “Еңел аҡсаға” алданып, суд хөкөмөнә дусар ителгәндәр эскәмйәһенә эләгеүеңде һиҙмәй ҙә ҡалаһың.

“Беҙҙең маҡсат – балаларыбыҙҙың тормошо боҙолоуға юл ҡуймау”, – ти БР мәғариф министры Илдар Мәүлетбирҙин, Берҙәм хәүефһеҙлек көнө ни өсөн үткәрелеүе  тураһында һөйләп. Министр банк картаңды бер кемгә лә биреп тормаҫҡа, уның аша кемдәрҙеңдер аҡсаһын күсермәҫкә кәңәш итә.

Фото: Башинформ архивы.