Өфө балалары герой ҡалаға китте

Состав ике ҡатлы заманса вагондарҙан төҙөлгән. Бәләкәй пассажирҙарҙы хәрби-тарихи йәмғиәт инструкторҙары оҙата йөрөй. Юлда улар Бөйөк Ватан һуғышы ваҡиғалары тураһында һөйләй.

Сәйәхәтселәр иртәгә иртән Волгоградҡа барып етәсәк. Көнө буйы ҡала буйлап экскурсиялар ҡаралған. Балалар Мамай ҡурғанында, Сталинград һуғышы музей-панорамаһында, мемориаль-тарихи музейҙа буласаҡ.

Шәмбе кис поезд балаларҙы тейәп ҡайтыу яғына йүнәлеш аласаҡ.

Волгоградҡа киләһе сәфәр апрель айына планлаштырылған.

Сығанаҡ: Башинформ.